چەت ئەل ئاخبارات ۋاستىلىرى ئامېرىكىنىڭ جۇڭگودا تۇرۇشلۇق باش ئەلچىسىنىڭ ئىستىپا بېرىدىغانلىقىنى ھەمدە ئوباما بىلەن زۇڭتۇڭلۇق ئورنىنى تالىشىشى مۇمكىنلىكىنى بىلدۈردى

    فىرانسىيە ئاخبارات ئاگېنتلىقىنىڭ خەۋىرىگە قارىغاندا ، شۇ يەر ۋاقتى 31–يانۋار ، ئاق ساراي باياناتچىسى گىبىس ئامېرىكىنىڭ جۇڭگودا تۇرۇشلۇق باش ئەلچىسى Jon.Huntsmanنىڭ پات يېقىندا ۋەزىپىسىدىن ئىستىپا بېرىدىغانلىقىنى ئېيتقان . خەۋەرلەرگە قارىغاندا ، ئۇنىڭ جۇمھۇرىيەتچىلەر پارتىيەسىنىڭ 2012–يىللىق زۇڭتۇڭ نامزاتلىقىنى قولغا كەلتۈرۈش ، شۇنداقلا ھازىرقى زۇڭتۇڭ ئوباما بىلەن زۇڭتۇڭلۇق ئورنىنى تالىشىش مۇمكىنچىلىكى بار ئىكەن .

    گىبىس Jon.Huntsman نىڭ ئاللىقاچان بىر نەچچە نەپەر سىياسىي ئەربابقا بۇ يىل يىل بېشىدا بېيجىڭدىن ئايرىلىدىغانلىقى توغرۇلۇق ئىپادە بىلدۈرگەنلىكىنى ئېيتقان بولۇپ ، بىراق ئۇ Jon.Huntsmanنىڭ نېمە ئۈچۈن بۇنداق قىلىدىغانلىقىنىڭ سىياسىي مۇددىئاسىنى ئاشكارىلىمىغان ھەمدە پەقەت ئۆزىنىڭ مۇناسىۋەتلىك خادىملار بىلەن سۆھبەت ئېلىپ بارغانلىقىنى ئېيتقان .

    تاشقى دۇنيادىكىلەر ئاللىقاچان Jon.Huntsman نىڭ 2012–يىلى ئامېرىكىنىڭ زۇڭتۇڭ سايلىمىغا قاتنىشىدىغانلىقىنى ، ئوباما بىلەن رىقابەتلىشىدىغانلىقىنى پەرەز قىلىشقان . يېقىندا Jon.Huntsman ‹‹ ئاخبارات ھەپتىلىك ژۇرنىلى ›› نىڭ زىيارىتىنى قوبۇل قىلغاندا زۇڭتۇڭ سايلىمى توغرۇلۇق توختىلىپ ، نۆۋەتتە ، ئۆزىنىڭ ئامېرىكىنىڭ جۇڭگودا تۇرۇشلۇق باش ئەلچىلىك خىزمىتىنى كۆڭۈل قويۇپ ئىشلەيدىغانلىقىنى ، بىراق بۇ خىزمەتنى مەڭگۈ ئىشلەۋەرمەيدىغانلىقىنى ئېيتقان . ‹‹ ئاخبارات ھەپتىلىك ژۇرنىلى ›› Jon.Huntsmanنىڭ ئەتراپىدىكى يېقىنلىرىدىن Jon.Huntsmanنىڭ ئۆتكەن يىلى دېكابىردا ئامېرىكىغا قايتقان ۋاقتىدا نۇرغۇنلىغان سىياسىي مەسلىھەتچىلەر بىلەن كۆرۈشۈپ ، زۇڭتۇڭ سايلىمى توغرۇلۇق سۆھبەتلەشكەنلىكىنى ئېنىقلىغان .

    بۇ يىل 50 ياشقا كىرگەن Jon.Huntsman مىليونېر ئائىلىسىدە تۇغۇلغان بولۇپ ، ئىلگىرى ئۇ جۇڭگونىڭ تەيۋەندە دىن تارقاتقان ھەمدە ئالىي مەكتەپكە كىرگەندىن باشلاپ خەنزۇ تىلى ئۆگەنگەن . Jon.Huntsmanيىل ئىلگىرىلا ئۆزىنىڭ ئاسىيا سەپىرىنى باشلىغان بولۇپ ، جۇڭگونىڭ ياڭجۇ شەھىرىدىن 9 ياشلىق بىر قىزنى بېقىۋالغان ھەمدە ئۇنىڭغا ياڭ لېيى دەپ ئىسىم قويغان .

    Jon.Huntsman ئەينى ۋاقىتتا سابىق زۇڭتۇڭ رېگاننىڭ ئاق ساراي ياردەمچىسى ۋەزىپىسىنى ئۆتىگەن بولۇپ ، ئالدىنقى ئەسىرنىڭ 80–يىللىرى بېيجىڭغا زىيارەتكە كەلگەن ھەمدە دىياۋيۈتەي دۆلەت مېھمانخانىسىدا تۇرۇپ ، رېگاننىڭ جۇڭگوغا زىيارەتكە كېلىش ئالدىدىكى تەييالىق خىزمەتلىرىنى ئىشلىگەن . ئارقىدىن Jon.Huntsman ئامېرىكا سودا ئىشلىرى مىنىستىرىنىڭ ياردەمچىسى بولۇپ ئىشلىگەن ھەمدە ئامېرىكىنىڭ سىنگاپوردا تۇرۇشلۇق باش ئەلچىسى بولۇپ ، ئامېرىكا تارىخىدىكى 100 يىلدىن بۇيانقى ئەڭ ياش باش ئەلچى بولۇپ قالغان .

    2009–يىلى ، ئۇتا ئىشتاتىنىڭ باشلىقلىق ۋەزىپىسىنى ئۆتەۋاتقان Jon.Huntsman ئوباما تەرىپىدىن ئامېرىكىنىڭ جۇڭگودا تۇرۇشلۇق باش ئەلچىسى قىلىپ تەيىنلەنگەن . ئەينى ۋاقىتتا تەھلىلچىلەر ئوبامانىڭ قايتا سايلىنىش ئۈچۈن كۈچلۈك رەقىبىنى يوقىتىش ئۇسۇلى دەپ پەرەز قىلىشقان .