مەركىزىي بانكا شىنجاڭنى پۇل مۇئامىلە بىلەن قوللاشنى كۈچەيتىپ، چىقىمنى ھېسابلاش، دۆلەت خەزىنىسىنى باشقۇرۇش، ئىناۋەتلىك گۇۋاھلىقنى باشقۇرۇش قاتارلىق جەھەتلەردىن شىنجاڭغا بولغان يېتەكچىلىك ۋە قوللاشنى داۋاملىق چىڭىتىدۇ، بۇنى جۇڭگو خەلق بانكىسىنىڭ مۇئاۋىن باش

مەركىزىي بانكا شىنجاڭنى پۇل مۇئامىلە بىلەن قوللاشنى كۈچەيتىپ، چىقىمنى ھېسابلاش، دۆلەت خەزىنىسىنى باشقۇرۇش، ئىناۋەتلىك گۇۋاھلىقنى باشقۇرۇش قاتارلىق جەھەتلەردىن شىنجاڭغا بولغان يېتەكچىلىك ۋە قوللاشنى داۋاملىق چىڭىتىدۇ، بۇنى جۇڭگو خەلق بانكىسىنىڭ مۇئاۋىن باشلىقى ما دېلۈن يېقىندا ئېچىلغان «شىنجاڭنىڭ ھالقىما تەرەققىياتىنى پۇل مۇئامىلە بىلەن قوللاش سۆھبەت يىغىنى»دا ئاشكارىلىدى.

نۆۋەتتە، شىنجاڭ تەۋەسىدىكى شەھەر سودا بانكىلىرى، يېزا ئامانەت-قەرز كوپىراتىپلىرى چوڭ سودا بانكىلىرىدىن ئىككى پوئېنت ۋە ئالتە پوئېنت تۆۋەن بولغان ئامانەت پۇل تەييارلىق فوندىنى ئايرىم-ئايرىم ئىجرا قىلماقتا، مۈلۈك كۆلىمى كىچىك، يېزا قەرز پۇل نىسبىتى بىر قەدەر يۇقىرى بولغان يېزا ئامانەت-قەرز كوپىراتىپلىرى چوڭ سودا بانكىلىرىدىن يەتتە پوئېنت تۆۋەن بولغان ئامانەت پۇل تەييارلىق فوندىنى ئايرىم-ئايرىم ئىجرا قىلماقتا. مەركىزىي بانكا شىنجاڭنىڭ چېگرا ھالقىغان سودىسى ۋە چېگرا ھالقىپ بىۋاسىتە مەبلەغ سېلىنغان خەلق پۇلى راسچوت سىنىقىنى پۇختا ئىلگىرى سۈرۈپ، شىنجاڭنىڭ سىرتقا ئېچىۋېتىشىنى كېڭەيتىش ۋە چېگرا سودىسىنىڭ تەرەققىياتىنى پائال قوللايدۇ.