دەۋرنىڭ تەلىپى ۋە بالىلار ئوقۇشلۇقلىرى|ئايزىبا تورى

دەۋرنىڭ تەلىپى ۋە بالىلار ئوقۇشلۇقلىرى

2011-09-13 00:36:52 مەنبە:ئايزىبا تورى كۈرىلىشى:2قېتىم

يېڭى جۇڭگو قۇرۇلغاندىن كېيىن پارتىيە، ھۆكۈمەتنىڭ كۆڭۈل بۆلۈشى، بىر قىسىم قەلەم ساھىبلىرىنىڭ، بالىلار ئوقۇشلۇقلىرى مۇھەررىرلىرىنىڭ مىننەتسىز مېھنەتلىرى بەدىلىگە ئاپتونوم رايونىمىزدا بالىلارغا دائىر بىرمۇنچە ئىجادىي ئەسەرلەر، چۆچەك، مەسەل، تېپىشماقلار ئايرىم-ئايرىم توپلام ھالىتىدە نەشر قىلىنىپ، بالىلارنىڭ مەنىۋى دۇنياسىنى بېيىتتى.

بالىلار كىتابلىرىنى پىلانلاش، تەھرىرلەش ئاسان ئەمەس. بالىلار بىلەن چوڭلار ئوتتۇرىسىدىكى ياش پەرقى زور بولغاچقا، چوڭلار بىلەن بالىلارنىڭ تەپەككۇرىمۇ ئوخشاشمايدۇ. مەسىلەن، بىر بالا ئاتلانغۇچنىڭ بىر ئۇچىنى ئىشىك يېنىدىكى دەرەخكە، يەنە بىر ئۇچىنى ئايغا باغلاپ رەسىم سىزىشى مۇمكىن. چوڭلارنىڭ تەپەككۇرىدە بۇ مۇمكىن بولمايدىغان ئىش. ئەمما، بالىلارنىڭ نەزەرىدە ئۇ مۇمكىنچىلىككە ئايلىنىدۇ. بۇ «بالىلارچە ساددا تەپەككۇر ئېڭى»دۇر. لاياقەتلىك مۇھەررىر بالىلارنىڭ بۇنداق ساددا تەپەككۇر ئېڭىغا ئاساسەن بالىلارنىڭ ئىجادچانلىق روھىنى ئۇرغۇتىدىغان، دۇنيادا مۇمكىن بولمايدىغان ئىشنىڭ يوقلۇقىنى بالىلارغا بالىلار تىلى بىلەن چۈشەندۈرەلەيدىغان كىتاب پىلانلاش ئىقتىدارىنى ھازىرلىشى كېرەك.

دەۋرنىڭ تەرەققىياتىغا ئەگىشىپ، ئېلىمىزدىكى ھەم شىنجاڭ ئۇيغۇر ئاپتونوم رايونىدىكى ھەر مىللەت بالىلىرىنىڭ بالىلار ئوقۇشلۇقلىرىغا بولغان ئېھتىياجى ۋە تەلىپى بارغانچە ئېشىۋاتىدۇ. ھازىرقى بالىلار بالىلار ھېكايىلىرى، چۆچەك، شېئىر، قوشاقلارنى ئوقۇشتىن سىرت، ھەر قايسى ئەللەردىكى داڭلىق بالىلار يازغۇچىلىرىنىڭ قىزىقارلىق ھېكايىلىرى، كۆپ قىسىملىق بالىلار تىياتىرلىرىنى كۆرۈشكە ئامراق. ئېنىقراق ئېيتساق، ھازىرقى بالىلارنىڭ ئەقلىي تەپەككۇرىدە زور بۇرۇلۇش بولۇۋاتىدۇ. شۇنداق ئىكەن، قانداق قىلغاندا زامانىمىز بالىلىرىنىڭ تەپەككۇرىنى ئۇرغۇتالايدىغان، ئۇلارنىڭ ياقتۇرۇپ ئوقۇشىغا ئېرىشەلەيدىغان ياخشى كىتابلارنى كۆپلەپ پىلانلىغىلى، تەييارلىغىلى بولىدۇ؟ دېگەن مەسىلە بالىلار ئوقۇشلۇقلىرى مۇھەررىرلىرىنىڭ ئالدىغا قويۇلغان مۇھىم مەسىلە.　　

شىنجاڭ ئۇيغۇر ئاپتونوم رايونىدىكى باشلانغۇچ، ئوتتۇرا مەكتەپلەردە ئوقۇۋاتقان ھەر مىللەت بالىلىرىنىڭ ئېھتىياجىنى چىقىش قىلىپ كىتاب چىقىرىش ئۈچۈن، ئالدى بىلەن، ئىچكىرى ئۆلكە ۋە چەت ئەللەردە نەشر قىلىنغان بالىلارغا دائىر نادىر ئەسەرلەرنى تەرجىمە قىلىش بىلەن بىللە، بالىلار ئەدەبىياتى يېزىقچىلىقى بىلەن شۇغۇللىنىدىغان يازغۇچى، شائىرلارغا تېما بەلگىلەپ بېرىش، ئۇلارنىڭ كىتابلىرىنى ۋاقتىدا تەھرىرلەپ، نەشر قىلدۇرۇش دەۋرنىڭ مۇھىم تەلەپلىرىدىن بىرىدۇر.

ئالدىنقىسى:ئوقۇتقۇچىلارنىڭ ھوقۇقى ۋە مەجبۇرىيىتى
كىيىنكىسى:13 خىل ئېسىل ئادەت

مۇناسىۋەتلىك مەزمۇنلار

جۇڭگو مائارىپىنىڭ تەرەققىياتىغا تۆھپە قوشقان يېزا ئوقۇتقۇچىلىرى2011-09-13 00:39:59
قانداق مۇۋەپپەقىيەت سىزنى تېخىمۇ خۇشال قىلىدۇ؟2011-09-13 00:39:32
ئۆسمۈرلەرنى ئالداپ كېتىش قىلمىشىغا زەربە بېرىشتە كېلىش مەنبەسى ئ2011-09-13 00:37:36
ئوقۇتقۇچىلارنىڭ ھوقۇقى ۋە مەجبۇرىيىتى2011-09-13 00:37:15
دەۋرنىڭ تەلىپى ۋە بالىلار ئوقۇشلۇقلىرى2011-09-13 00:36:52
13 خىل ئېسىل ئادەت2011-09-13 00:36:21
«سۇ كەلگۈچە تۇغان سال»2011-09-04 05:58:26
ھايات كەچۈرمىشلىرى كىشىنىڭ مىجەزىنى ئۆزگەرتەلەيدۇ2011-09-04 05:57:57

پىكىر يوللاش

يېقىندا يېڭلانغىنى

قوللىغانلار

كۆپ كۈرۈلگەنلىرى