ئېلىمىزدىكى كۈزگى بۇغداي ئىشلەپچىقىرىدىغان ئاساسلىق جايلاردا ئېغىر قۇرغاقچىلىق ئاپىتى يۈز بەردى

    يېقىندىن بۇيان ، ئېلىمىزدىكى كۈزگى بۇغداي ئىشلەپچىقىرىدىغان ئاساسلىق جايلاردا ئېغىر قۇرغاقچىلىق ئەھۋالى كۆرۈلگەن بولۇپ ، بىر قىسىم رايونلاردا 100 يىلدىن بۇيان بۇنداق ئېغىر ئاپەت بولۇپ باقمىغان ئىدى . يېقىندا ، سۇغۇرتا نازارەتچىلىك كومىتېتى ئۇقتۇرۇش تارقىتىپ ، پۈتۈن ساھەدىكىلەردىن ئادەم كۈچى، ماددىي كۈچ ۋە مالىيە كۈچىنى پائال ئىشقا سېلىپ، يەرلىك ھۆكۈمەت ۋە ئالاقىدار تارماقلارغا يېقىندىن ھەمكارلىشىش، سۇغۇرتىغا قاتناشتۇرۇلغان دېھقانچىلىق زىرائەتلىرى ۋە ئورمانلارنىڭ ئۆسۈپ يېتىلىش مەزگىلى ۋە ئىشلەپچىقىرىش ئالاھىدىلىكىگە ئاساسەن، قاراتمىلىقى بولغان ھالدا ماس بولغان ئاپەتنىڭ ئالدىنى ئېلىش، ئاپەت زىيىنىنى ئازايتىش خىزمىتىنى قانات يايدۇرۇشنى تەلەپ قىلدى.