تور ئەھلى توردا يالغان ياۋىداق سۆزلەرنى تارقىتىشقا زەربە بېرىشنى قوللىدى

30-سېنتەبىر دۆلەت ئېنتېر تورى ئۇچۇر ئىشخانىسى تور ئاخبارات تەشۋىقات ئىدارىسى مەسئۇلىنىڭ پاكىتنى ئويدۇرۇپ چىقىپ، يالغان ياۋىداق سۆزلەرنى توردا تارقىتىشنى قەتئىي توسۇش ھەققىدە قىلغان سۆزى تور بېكىتىدە تور ئەھلىنىڭ كۈچلۈك ئىنكاسىنى قوزغىدى، مەركەز ۋە يەرلىكتىكى ئاساسلىق تور تاراتقۇلىرى تۇشمۇ تۇشتىن ئاۋاز قوشتى، نۇرغۇن تور ئەھلى قوللايدىغانلىقلىرىنى بىلدۈرۈشتى، جەمئىيەتنىڭ ھەرقايسى ساھەسىدىكىلەر توردا يالغان ياۋىداق تارقىتىشنى قەتئىي توسۇپ، ساغلام، مەدەنىي تور مۇھىتىنى ئورتاق قوغداشنى تەشەببۇس قىلدى.

خەلق تورى، شىنخۇا تورى قاتارلىق مەركەزدىكى مۇھىم ئاخبارات تور بېكەتلىرى 1-ئۆكتەبىر تەشەببۇس چىقىرىپ مۇنۇلارنى بىلدۈردى: ساغلام، مەدەنىي تور بىز ھەر بىر تورداشلارنىڭ گۈزەل ماكانى، بىز يالىغان ياۋىداق سۆزلەرنى توردا تارقىتىشنى قەتئىي توسۇشنى، تورداشلارنىڭ بىردەك ھەرىكەتكە كېلىپ، يالىغان ياۋىداق سۆزلەرنى تارقىتىشقا يول قويماسلىقنى، مەدەنىي، ساغلام، گۈزەل، ساپ تور ماكانىنى بىرلىكتە قوغداشنى تەشەببۇس قىلىمىز.

نۇرغۇن تور ئەھلى توردا قەستەن يالىغان ياۋىداق سۆزلەرنى تارقىتىش ھەرىكىتىنى كۈچلۈك ئەيىبلەپ، بۇنداق ھەرىكەتلەرنى قاتتىق جازالاشنى قەتئىي قوللايدىغانلىقىنى بىلدۈردى، يەنە بەزى تور ئەھلى: يالىغاننى توقۇپ تارقىتىشنىڭ ھەر بىر ھالقىسىغىچە مەسئۇل بولۇش كېرەك، تور ئەھلى ۋە تور بېكەتلىرى سەگەك بولۇپ، قانۇن بويىچە پاش قىلىشى كېرەك دەپ تەكلىپ بەردى.