ش ئا ئە ت لىۋىيەنىڭ ئەتراپىغا ئەسكەر تۇرغۇزۇش ئويى يوقلىقىنى بىلدۈردى

شىمالىي ئاتلانتىك ئەھدى تەشكىلاتىنىڭ باياناتچىسى ۋانا لۇنجېسكۇ تۈنۈگۈن شىمالىي ئاتلانتىك ئەھدى تەشكىلاتىنىڭ ھەربىي ھەرىكىتى ئاياغلاشقاندىن كېيىن لىۋىيەنىڭ ئەتراپىدا ئەسكەر تۇرغۇزۇش ئويى يوق دېدى. شىمالىي ئاتلانتىك ئەھدى تەشكىلاتىنىڭ لىۋىيەدىكى ھەربىي ھەرىكىتىنىڭ قوماندانى، گېنېرال لېيتېنانت چارىس بوشار مۇنداق دېدى: لىۋىيەنىڭ زېمىنى كەڭ، كازافىينىڭ قالدۇق قىسمى يەنە مەۋجۇت بولۇشى، ئۇلار پۇقرالارغا تەھتىت پەيدا قىلىشى مۇمكىن. لېكىن شىمالىي ئاتلانتىك ئەھدى تەشكىلاتى مۇنداق دەپ قارىدى: لىۋىيە «مەملىكەتلىك ئۆتكۈنچى كومىتېتى»نىڭ بۇ تەھتىتلەرگە تاقابىل تۇرۇش ئىقتىدارى بار، شۇڭا شىمالىي ئاتلانتىك ئەھدى تەشكىلاتىغا نىسبەتەن ئېلىپ ئېيتقاندا، ھەربىي ھەرىكەتنى ئاياغلاشۇتۇرۇش ۋاختى كېلىپ قالدى. بۇندىن باشقا، بوشار يەنە مۇنداق دېدى: شىمالىي ئاتلانتىك ئەھدى تەشكىلاتى لىۋىيە دائىرىلىرىنىڭ تەدبىر قوللىنىپ، زور مىقداردىكى قورال ياراقنىڭ قۇرۇقلۇق چېرىسى ئارقىلىق چېگرا سىرتىغا ئېقىپ كېتىشىنىڭ ئالدىنى ئېلىشى كېرەك.