شىنجاڭ ئۇيغۇر ئاپتونوم رايونى خوتەن ۋىلايىتىدە لېكسىيىنى ئۇيغۇرچە سۆزلەش ياخش

جۇڭگو ئۇيغۇرچە رادىيو تورى 23-فېۋرال بېيجىڭ خەۋىرى:

شىنجاڭ ئۇيغۇر ئاپتونوم رايونى خوتەن ۋىلايىتىنىڭ نىيە ناھىيىسىدىكى دېھقان بەكرى سايىت لېكسىيە ئۆمىكىنىڭ دوكلاتىنى ئاڭلىغاندىن كېيىن مۇنداق دېدى: ئىلگىرى دائىم رادىئو ئاڭلايتتىم، تېلېۋىزور كۆرەتتىم، لېكىن «ھالقىما تەرەققىيات» دېگەن بۇ سۆزنىڭ مەنىسىنى تازا چۈشىنىپ كەتمەيتتىم. بۈگۈن لېكسىيە ئۆمىكىدىكىلەر ئۇيغۇرچە سۆزلىۋىدى، «ھالقىما تەرەققىيات»نىڭ نېمىلىكىنى، بىز دېھقانلارنىڭ قىلىشقا تېگىشلىك ئىشلىرىمىزنى بىلىۋالدىم. بۈگۈنگە قەدەر، شىنجاڭنىڭ بىر قىسىم چەت ھەم بېكىنمە يېزا-چارۋىچىلىق رايونلىرىدا تېخىمۇ كۆپ كىشىلەر بەكرى سايىتقا ئوخشاش، تەشۋىقات ئۆمىكىنىڭ تەشۋىق قىلىشى ۋە چۈشەندۈرۈشى ئارقىلىق، پارتىيە سىياسىتىنى چۈشىنىۋالدى، دۆلەت ۋە يەرلىكنىڭ تەرەققىياتىغا كۆڭۈل بۆلىدىغان بولدى.
　2010-يىلى ئاپرېلدىن باشلاپ، ۋىلايەتلىك لېكتورلار ئۆمىكى ۋە پارتىيە مەكتىپى خوتەن ۋىلايەتلىك تەشۋىقات بۆلۈمىنىڭ باشچىلىقىدا بىرلىكتە تەشۋىقات ئۆمىكى تەشكىللەپ، خوتەن ۋىلايىتىنىڭ يەتتە ناھىيە، بىر شەھىرىدىكى كۆپ قىسىم　يېزا-بازارلارغا بېرىپ، يەرلىكتىكى ھەر مىللەت خەلق ئاممىسىغا پارتىيە 17-نۆۋەتلىك مەركىزىي كومىتېت 5-ئومۇمىي يىغىنى ۋە ئاپتونوم رايونلۇق پارتكوم 7-نۆۋەتلىك كومىتېتىنىڭ 10-ئومۇمىي يىغىنىنىڭ روھىنى يەتكۈزدى.
　ئۇيغۇر ئاممىسىنىڭ ئاڭلاپ چۈشىنەلىشى ئۈچۈن، لېكسىيە ئۆمىكىنىڭ ماتېرىياللارنى تەرجىمە قىلىش خەت سانى 60 مىڭدىن ئاشتى ھەمدە زور تۈركۈم ئاز سانلىق مىللەت كادىرلىرىنى لېكسىيىگە ئورۇنلاشتۇردى. تەشۋىقات ئۆمىكىنىڭ ھەر قايسى ناھىيە-شەھەر، ئىدارە-ئورگان ۋە مەكتەپلەردىكى تەشۋىقاتى ياخشى ئىنكاس قوزغاپ، كۆرۈنەرلىك ئۈنۈمگە ئېرىشتى.

تەرجىمان: ئامىنە ئابدۇراخمان